(ភ្នំពេញ)៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល និងជាព្រះប្រធានកិត្តិយស កាកបាទក្រហមកម្ពុជា នៅថ្ងៃទី០៤ ខែសីហា ឆ្នាំ២០២៥នេះ បានសព្វព្រះរាជហឫទ័យ ប្រោសព្រះរាជានុញ្ញាត ដល់គណៈប្រតិភូ កាកបាទក្រហមកម្ពុជា ដឹកនាំដោយ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ចូលក្រាបបង្គំគាល់ នៅព្រះបរមរាជវាំង ព្រមទាំងប្រោសព្រះរាជទាន ព្រះរាជទ្រព្យដ៏ឧត្តុង្គឧត្តមចំនួន ១៥ ០០០ដុល្លារ (មួយម៉ឺនប្រាំពាន់ ដុល្លារអាម៉េរិក) រួមជាមួយស្បៀង និងសម្ភារមួយចំនួនទៀត សម្រាប់ជួយដល់ ប្រជារាស្ត្រភៀសសឹក៕
