(ភ្នំពេញ)៖ នារសៀលថ្ងៃចន្ទ ១០កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៤ ខែសីហា គ.ស.២០២៥ ឯកឧត្តម ស៊ូ សុជាតិ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃ ន.ម.ក. អមដោយ ឯកឧត្តមបណ្ឌិត វិន ភក្តី អគ្គនាយករង និងជាប្រធានក្រុមការងារ បច្ចេកវិទ្យាហិរញ្ញវត្ថុនៃ ន.ម.ក. និងសហការី បានអញ្ជើញចូលរួមកិច្ច ប្រជុំទទួលជួបការសម្តែងការ គួរសមរបស់គណៈប្រតិភូ ក្រុមហ៊ុនហិរញ្ញវត្ថុ Argentem Creek របស់សហរដ្ឋអាម៉េរិក ដែលដឹកនាំដោយលោក Maarten Terlouw និងលោក Pavel Fedorov ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមប្រឹក្សា អាជ្ញាធរហិរញ្ញវត្ថុ មិនមែនធនាគារ។
នៅក្នុងកិច្ចប្រជុំនេះ ឯកឧត្តមប្រតិភូបាន បង្ហាញពីសក្តានុពល និងការរីកចម្រើនដ៏ឆាប់ រហ័សនៃវិស័យមូលបត្រ ដែលក្រុមហ៊ុនអាចពិចារណា ធ្វើការវិនិយោគនៅ ក្នុងប្រទេសកម្ពុជា ៕
