ឯកឧត្តម ហេង រតនា អគ្គនាយកស៊ីម៉ាក់៖ អតីតកងទ័ពម៉ារីន អាមេរិកជំនាញគ្រាប់យុទ្ធភណ្ឌ បានចូលរួមកំណត់ លក្ខណៈបច្ចេកទេសគ្រាប់បែក MK-84 បានបញ្ជាក់អំពីអត្តសញ្ញាណ គ្រាប់បែក MK-84 នេះ ផលិតនៅឆ្នាំ១៩៩៦

(ភ្នំពេញ)៖ នៅថ្ងៃចន្ទ​ ទី០៤​ ខែសីហា​ ឆ្នាំ២០២៥​ នៅទីតាំងគ្រាប់បែក MK-84​ ស្ថិតនៅភូមិថ្មដូន​ ឃុំគោកមក​ ស្រុកបន្ទាយអំពិល​ ខេត្តឧត្តរមានជ័យ ក្រុមជំនាញគ្រាប់បែកទម្លាក់ របស់អង្គភាពស៉ីម៉ាក់​ អង្គការGolden West និងអង្គការNPA (Norwegian People Aid) បានចុះត្រួតពិនិត្យបច្ចេកទេស គ្រាប់បែកនេះជាលំអិត​  ដោយបានបញ្ជាក់ថា​ គ្រាប់បែក MK-84 នេះ​ មានលេខLot No. IMI 96G015-11 និងផលិតក្នុងឆ្នាំ ១៩៩៦! ។

លោកLen Austin ប្រធានអង្គការGolden West ប្រចាំកម្ពុជា និងជាអតីតកងទ័ព ម៉ារីនសហរដ្ឋអាមេរិក​ ខាងជំនាញគ្រាប់យុទ្ធភណ្ឌ​ ជាជំនាញខាងគ្រាប់បែក ទម្លាក់ពីយន្តហោះ​នៃ ប្រទេសក្នុងតំបន់នេះ​ បានចូលរួមកំណត់លក្ខណៈ បច្ចេកទេសគ្រាប់បែក MK-84 នេះ​ ក៏បានបញ្ជាក់អំពីអត្តសញ្ញាណ គ្រាប់បែក MK-84 នេះ ផលិតនៅឆ្នាំ១៩៩៦ និងអាចសៀមទិញពីក្រុមហ៊ុន IMI​ (Israel Military Industries) របស់អ៉ីស្រាអ៊ែល បានទទួលសិទ្ធិផលិត និងលក់គ្រាប់បែកត្រកូលMKនេះ។

គ្រាប់បែក MK-84 នេះផលិតក្នុងឆ្នាំ១៩៩៦​ ដូចនេះវាមិនអាចជា គ្រាប់បែកសំណល់ពីការ ទម្លាក់គ្រាប់បែកក្នុង សម័យសង្គ្រាមឆ្នាំ១៩៧០-១៩៧៣កើតទេ​! ខ្ញុំមានជំនឿយ៉ាងមុតមាំថា​ ពិភពលោកយល់ ច្បាស់ណាស់អំពីរឿងនេះ!»៕