(ភ្នំពេញ)៖ នៅអំឡុងពេល៣ថ្ងៃខាងមុខនេះ សហរដ្ឋអាមេរិក នឹងអនុវត្តការយក ពន្ធបដិការពីកម្ពុជាត្រឹម ១៩ភាគរយចំពោះ រាល់មុខទំនិញនាំចេញពីកម្ពុជា ចូលទៅទីផ្សាររបស់អាមេរិក។ ការអនុវត្តពន្ធថ្មីនេះ គឺជាការបន្ធូរបន្ថយកម្រិតអត្រាច្រើនខណៈ មុននេះបានអនុវត្តក្នុងកម្រិត៤៩ភាគរយ ដែលវាបានបង្កើត កម្លាំងមួយផ្តល់ សន្ទុះចំពោះ សេដ្ឋកិច្ចកម្ពុជា។
ឯកឧត្តមឧបនាយករដ្ឋមន្រ្តី ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១សីហាឆ្នាំ២០២៥ បានបង្ហាញសេចក្តីសង្ឃឹមថា ជាមួយអត្រាពន្ធ១៩ភាគរយនេះ នឹងធ្វើឱ្យកម្ពុជាអាច ប្រកួតប្រជែងជាមួយ ប្រទេសជិតខាងបាន និងថែរក្សារោងចក្រនៅ កម្ពុជាឱ្យនៅស្ថិតស្ថេរ ព្រមទាំងមានលទ្ធភាព ពង្រីករោងចក្របន្ថែមទៀត តាមរយៈការទាក់ទាញ វិនិយោគិនថ្មីមកបន្ថែម។
អត្រាពន្ធបដិកាថ្មីនេះ ជាកម្រិតល្អមួយជួយឱ្យកម្ពុជា កាន់តែមានមធ្យោបាយ ទាក់ទាញវិនិយោគិនមកបណ្តាក់ ទុននៅកម្ពុជាកាន់តែច្រើន និងជំរុញឱ្យបរិយាកាស ធ្វើពាណិជ្ជកម្ម កាន់តែល្អជាងមុន ធ្វើជាចន្ទល់សេដ្ឋកិច្ចជាតិដ៏រឹងមាំ។
ឯកឧត្តម ស៊ុន ចាន់ថុល បានមានប្រសាសន៍ថាពន្ធនាំចូល ១៩ ភាគរយនេះ នឹងអនុញ្ញាតឱ្យ ផលិតផលកម្ពុជា មានតម្លៃទាបមាន កម្លាំងប្រកួតប្រជែងដោយ ស្មើភាពជាមួយបណ្តា ប្រទេសក្នុងតំបន់ និងទាក់ទាញការវិនិយោគ ផ្ទាល់ពីបរទេសបន្ថែមទៀត ដែលជួយកម្ពុជា ឆ្ពោះទៅរកកំណើនសេដ្ឋកិច្ច។
ឯកឧត្តមបានបង្ហាញ សេចក្តីសង្ឃឹមជឿជាក់ថា ក្រុមប្រឹក្សាអភិវឌ្ឍន៍កម្ពុជា នឹងទទួលការចុះបញ្ជី គម្រោងវិនិយោគ បានជាង៥០០ នៅឆ្នាំនេះ ដែលអាចបង្កើត ការងារបានជាង ៣ម៉ឺនកន្លែង ក្នុងមួយឆ្នាំ ដោយឆ្លើយតបតម្រូវការទីផ្សារការងារ ជូនពលករចំណាក ស្រុកទាំងអស់អោយ ត្រឡប់មកប្រទេស កំណើតវិញ និងរួមចំណែកដល់ការអភិវឌ្ឍន៍ សេដ្ឋកិច្ចជាតិ និងលើកកម្ពស់ ជីវភាពរស់នៅរបស់ សហគមន៍មូលដ្ឋាន ទូទាំងប្រទេស។
ក្នុងឱកាសនេះដែរ ឯកឧត្តម បានអំពាវនាវដល់ពលករ ចំណាកស្រុកកម្ពុជាឱ្យត្រឡប់ ទៅប្រទេសកំណើតវិញ ដោយរដ្ឋាភិបាលធានាថា នឹងមានឱកាសការងារ ផ្គត់ផ្គង់គ្រប់គ្រាន់ ហើយ ការវិលត្រឡប់មកវិញ របស់ពួកគេនឹងជួយជំរុញ សេដ្ឋកិច្ចក្នុងស្រុក និង គោលដៅអភិវឌ្ឍន៍ជាតិ។
យោងតាមក្រុមប្រឹក្សា អភិវឌ្ឍន៍កម្ពុជា បានអោយដឹងថា ក្នុងរយៈពេល៦ខែដើម ឆ្នាំ២០២៥នេះ ប្រទេសកម្ពុជា ទទួលការចុះបញ្ជីគម្រោង វិនិយោគថ្មីមានចំនួន ២៩០គម្រោង កើនឡើងចំនួន១៣៧គម្រោង បើធៀបជាមួយរយៈ ពេលដូចគ្នាកាលពីឆ្នាំ២០២៤។
កើនឡើងចំនួន១៣៧គម្រោង ស្មើនឹងប្រមាណ៩០ភាគរយ ខណៈទុនវិនិយោគមានចំនួន ប្រមាណ៤,២ពាន់ លានដុល្លារអាម៉េរិក កើនឡើងប្រមាណ ១,៤ពាន់លានដុល្លារ ស្មើនឹងប្រមាណ៥២ភាគ រយធៀបនឹងរយៈពេល ដូចគ្នាកាលពីឆ្នាំ២០២៤។
សូមរំលឹកថាការបញ្ចុះ អត្រាពន្ធបដិការ របស់អាមេរិកនេះ ធ្វើឡើងបន្ទាប់ពី សម្តេចបវរធិបតី បានស្នើសុំឲ្យឯក ឧត្តមប្រធានាធិបតី សហរដ្ឋអាមេរិកផ្ដល់ការ យោគយល់ដើម្បី បន្ធូរបន្ថយអត្រាពន្ធ លើទំនិញនាំចូលពីកម្ពុជា អោយនៅត្រឹមអត្រាទាប ណាមួយដែលជួយឲ្យ កម្ពុជាមានឱកាសបន្ត អភិវឌ្ឍន៍ប្រទេសជាតិនិង លើកស្ទួយជីវភាពរស់នៅ របស់ប្រជាជនកម្ពុជា៕
