ខេត្តស្ទឹងត្រែង៖ ថ្នាក់ដឹកនាំក្រសួងទេសចរណ៍ នៃប្រទេសកម្ពុជា និងក្រសួងព័ត៌មានវប្បធម៌និងទេសចរណ៍នៃសាធារណៈរដ្ឋប្រជាមានិតឡាវបានរួមគ្នាបើកព្រឹត្តិការណ៍អបអរសាទរខួប៧០ឆ្នាំ នៃទំនាក់ទំនងការទូត នៃប្រទេសទាំង២ដើម្បីបង្ហាញពីភាពរីកចម្រើនលើគ្រប់វិស័យ ជាពិសេសវិស័យទេសចរណ៍។
ក្នុងព្រឹត្តិការណ៍អបអរសាទរខួប៧០ឆ្នាំ នៃទំនាក់ទំនងការទូតរវាងព្រះរាជាណាចក្រកម្ពុជានិងសាធារណរដ្ឋប្រជាមានិតឡាវធ្វើឡើងនៅខេត្តស្ទឹងត្រែង ចាប់ពីថ្ងៃទី ១៧ ដល់ថ្ងៃទី ២១ខែតុលាឆ្នាំ២០២៦
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍មានប្រសាសន៍ថា ក្នុងយុទ្ធនាការ៥ថ្ងៃនេះប្រទេសទាំង២បានរួមគ្នាអនុវត្តតាមទិសស្លោកដ៏ខ្ពង់ខ្ពស់របស់សម្ដេចតេជោប្រធានព្រឹទ្ធសភា គឺទេសចរណ៍ដើម្បីទាំងអស់គ្នានឹងទាំងអស់គ្នាដើម្បីទេសចរណ៍ស្របតាមទិសស្លោករបស់សម្ដេចមហាបវរធិបតីគឺទេសចរណ៍រីកលូតលាស់ក្នុងសន្តិភាព។
ឯកឧត្តមបន្តថា យុទ្ធនាការរយៈពេល៥ថ្ងៃនេះ គឺជាឱកាសដ៏សំខាន់សម្រាប់កម្ពុជា និងឡាវ ក្នុងការរួមគ្នាផ្សព្វផ្សាយគោលដៅទេសចរណ៍ បង្ហាញពីសក្តានុពលធម្មជាតិ វប្បធម៌ និងប្រពៃណីរបស់ប្រទេសទាំងពីរ ព្រមទាំងជំរុញចលនាទេសចរណ៍ឆ្លងដែនឱ្យកាន់តែមានភាពរស់រវើក។
ឯកឧត្តមរដ្ឋមន្ត្រីបានលើកឡើងពីការអនុវត្តទិសស្លោក «ទេសចរណ៍ដើម្បីទាំងអស់គ្នា និងទាំងអស់គ្នាដើម្បីទេសចរណ៍» និងទិសស្លោក «ទេសចរណ៍រីកលូតលាស់ក្នុងសន្តិភាព» ដែលឆ្លុះបញ្ចាំងពីសារៈសំខាន់នៃការចូលរួមរបស់ប្រជាពលរដ្ឋគ្រប់មជ្ឈដ្ឋាន ក្នុងការអភិវឌ្ឍវិស័យទេសចរណ៍ និងការរក្សាសន្តិភាពជាមូលដ្ឋានសម្រាប់ការរីកចម្រើនប្រកបដោយចីរភាព។
លោកជំទាវ សួនសវ៉ាន់វីញ៉ាកេត រដ្ឋមន្ត្រីក្រសួងព័ត៌មានវប្បធម៌និងទេសចរណ៍នៃសាធារណៈរដ្ឋប្រជាមានិតឡាវមានប្រសាសន៍ដែរថា៖ព្រឹត្តិការណ៍អបអរសាទរខួប ៧០ឆ្នាំ នៃទំនាក់ទំនងការទូតកម្ពុជា-ឡាវ នេះពិតជាបានបង្ហាញពីការរួមគ្នាពង្រឹងចំណងមិត្តភាពដ៏រឹងមាំរវាងកម្ពុជា និងឡាវ ព្រមទាំងបានផ្សេព្វផ្សាយនូវសក្តានុពល ទេសចរណ៍ជាចម្បង។
លោកជំទាវមានប្រសាសន៍បន្តថា សំខាន់ជាងនេះ ប្រទេសទាំងពីបានរួមគ្នាជំរុញលើកកម្ពស់កិច្ចសហប្រតិបត្តិការក្នុងតំបន់ សំដៅរួមគ្នាកសាងអនាគតប្រកបដោយសន្តិភាព មិត្តភាព និងការអភិវឌ្ឍសម្រាប់ប្រជាជននៃប្រទេសទាំងពីរ។សូមញ្ជាក់ថា៖កម្មវិធីនេះមានការរត់ អបអរសាទរខួបលើកទី ៧០ មាន តាំងពិពណ៌ ផលិតផល ទស្សនាកន្លែកំសាន្តជាច្រើនទៀត។
ឯកឧត្តមសរ សុពុត្រា អភិបាលខេត្តមានប្រសាសន៍ដែរថា៖ក្នុងរយៈពេលជាង២ឆ្នាំមកនេះខេត្តស្ទឹងត្រែងបានបើកព្រឹត្តការណ៍ធំៗជាច្រើនលើកមកហើយ ដូចជាព្រឹត្តិការណ៍ប្រពៃណីអ៊ុំទូកកៃយ៉ាក់ ព្រឹត្តិការណ៍ធាក់ស៊ីក្លូ ភ្នំពេញស្ទឹងត្រែង ព្រឹត្តិការណ៍ខារ៉ាវ៉ាន់ធួ ព្រឹត្តិការណ៍ទេសចរណ៍រដូវកាលបៃតង ហើយលើកនេះព្រឹត្តិការណ៍ខួបលើកទី៧០ឆ្នាំ។By: SamNeang
